ಮನೆಗೆ ಬರುವ ಹಾಗಿಲ್ಲ

 

ಮನೆಗೆ ಬರುವ ಹಾಗಿಲ್ಲ

ಕರ್ತವ್ಯದ ಶಿವಧನುಷ್ಯ ಕೆಳಗಿಡುವಂತಿಲ್ಲ                                                

ನಾನೋ ಕೋವಿಡ್ ಯೋಧ, ಮನೆಗೆ ಬರುವಂತಿಲ್ಲ.

ಜನತೆಯ ಚಿಂತೆ ಎನಗೆ, ಹೋರಾಡುವೆ ಜನತೆಗಾಗಿ

ಕರ್ತವ್ಯದಿ ಬಂಧಿಸಲ್ಪಟ್ಟ ನಾನು, ರಜೆ ತೆಗೆದುಕೊಳ್ಳುವಂತಿಲ್ಲ

ಕೆಲಸದ ಮೇಲಿರಲು ಮನೆ-ಮಡದಿ-ಮಕ್ಕಳು ನೆನೆಪಾಗುತ್ತಾರೆ

ಆದರೆ ನನಗೆ ನನ್ನ ಕುಟುಂಬದ ಜೊತೆ ಎರಡು ಗಳಿಗೆ ಕೂಡುವಂತಿಲ್ಲ

ಸಂಸರ್ಗದ ಭಯವೇ ನನಗೆ ದೂರವಿಟ್ಟಿದೆ ಮನೆಯಿಂದ

ಕಾಲೂರಿ ಮನೆಬಾಗಿಲಿಗೆ ಹೆಜ್ಜೆ ಹಾಕುವಂತಿಲ್ಲ

ತಾನು ಕಾಯಿಲೆಯಿಂದ ಬಳಲಿದ್ದರೂ ಅವಳಿಗೆ ನನ್ನದೇ ಚಿಂತೆ

ಆದರೆ ಭೇಟಿಯಾಗಿ ಅಮ್ಮನ ಕ್ಷೇಮ-ಕುಶಲ ವಿಚಾರಿಸುವಂತಿಲ್ಲ

ಮನೆಯ ಸೆಳೆತವಿಟ್ಟುಕೊಂಡು ಎರಡು ತುತ್ತು ಗಂಟಲಲ್ಲಿಳಿಸಲು ಯತ್ನಿಸುತ್ತೇನೆ

ಆದರೆ ಮಕ್ಕಳೊಂದಿಗೆ ಕುಳಿತು ಎರಡು ತುತ್ತು ತಿನ್ನುವಂತಿಲ್ಲ.

                        -ದಿನೇಶ ಚವ್ಹಾಣ, ಮೊ.ನಂ.7066102066